Осының арқасында Иркутск және Чита станцияларынан Қытайға еш ауысып мінбей баруға мүмкіндік туады. 6 және 7 наурыздан бастап тиісінше Иркутск пен Читадан Маньчжурияға қатынайтын тіркемелі (ауыспайтын) вагондар №328/327 Иркутск – Забайкальск пойызының құрамында жолға шығады.
Бұл 8 наурыздан бастап №354/353 Забайкальск – Маньчжурия халықаралық жолаушылар пойызының қозғалысы қайта басталуына байланысты мүмкін болып отыр.
Пойыздар екі бағытта да аптасына екі рет – сәрсенбі және жексенбі күндері қатынайды. Жол жүру уақыты шамамен 25 минутты құрайды.
Билет сатылымы жақын уақытта ашылады, ал кейін пойыз жөнелтілетін күнге дейін 60 тәулік бұрын қолжетімді болады.
Компания мәліметінше, Забайкальск – Маньчжурия шекара өткелі арқылы жолаушылар теміржол қатынасы 2020 жылдың ақпан айында коронавирус пандемиясына байланысты тоқтатылған еді. Сондай-ақ қазіргі уақытта Қытай өткен жылдың қыркүйегінде енгізген визасыз режим ресейліктер үшін күшінде екені атап өтілді.
