Былтыр Өзбекстанда 2 миллион тоннаға жуық жүзім жиналды
Мемлекеттік статистика комитетінің алдын ала мәліметтері бойынша, 2025 жылы Өзбекстандағы барлық санаттағы шаруашылықтар 1 983 039 тонна жүзім өндірген. Бұл көрсеткіш 2024 жылмен салыстырғанда 7,6%-ға жоғары,- деп хабарлайды brifing.kz
Ең жоғары өнім Самарқанд облысында жиналды – мұнда 696 952 тонна жүзім алынған, бұл елдегі жалпы өнімнің үштен бірінен астамын құрайды. Ірі өндірушілер қатарында сондай-ақ Бұхара облысы (241 389 тонна), Ферғана облысы (229 063 тонна) және Наманган облысы (167 333 тонна) бар.
Ең төмен өнім көрсеткіші Қарақалпақстан Республикасында (16 236 тонна) және Сырдария облысында (18 681 тонна) тіркелді.